狗狗懷胎九週，BB狗快準備出世！我巳人生BB都要執定「走佬袋」，你都要為狗狗準備㗎！不過你知唔知有咩要留意？有咩要準備？
準備功夫
迎接新生命來臨準備功夫唔少得， 以下係一啲有經驗嘅執媽提供嘅資料：(如有遺漏各位記得留言補充啦)
1. 揾定24小時獸醫診所
先在診所掛號，通知診所預產期，診所會有所準備，萬一有任何突發情況，就可以立即送主子到診所。
(臨時要搵24小時診所會好麻煩，同好貴)
2. 溫暖又安全嘅產房
產房最好安置在安靜嘅空間，用乾淨嘅紙箱或者淘一個狗產房，再鋪上厚厚嘅毛巾同尿布，溫暖得嚟又方便清潔。
(最好set埋cam，就可觀察到狗狗又唔會驚擾到佢)
3. 醫生手套
如要接觸BB，要戴上手套以免留下人類氣味在BB身上，因狗媽媽可能會嫌棄有其他氣味嘅BB。
4. 暖爐及暖水袋
如溫度太低要用暖爐維持室溫，並用暖水袋放在毛巾底下保持溫暖。
5. 狗BB奶粉
可在動物診所購買，一般都會附帶奶樽。BB出世後就要飲奶奶，如狗媽媽唔識餵奶，你就要帶上手套，協助主子餵奶，或者用奶樽餵BB(記得睇清楚使用指南)。
6. 剪臍帶用具
消毒藥水，較剪，牙線同紙巾。狗媽媽其實識咬斷臍帶，胎盤同清潔，如果兩分鐘左右主子都冇咁做，你就要幫手撕開胎盤，等BB可以呼吸，再剪臍帶同清潔BB。
7. 探熱針
臨近產期，你可以每天幫主子肛探，如果低過華氏100度(正常為華氏100至102度)，BB就會在24小時內出世啦。！
8. 計時器
一般狗媽媽會用45至90分鐘生出一個BB， 如果超過咗呢個時間都未有另一個BB出世，你就要立即問獸醫或媽情況，可能要立即帶狗媽媽去診所呀！
9. 經驗執媽及獸醫諮詢
睇完上面1至8點，應該都暈得一陣陣，如果可以就緊係揾定一個有豐富經驗嘅狗執媽到現場協助啦，仲有最緊要係睇獸醫check清楚狗媽媽情況。
注意： 狗媽媽懷孕同生產嘅嘅情況可能因狗而異，所以你有咩問題記得要搵獸醫啦
TailorMeat度身訂造生肉糧，香港品牌，香港製造生肉糧，產品更通過國際檢測機構SGS食品安全檢測，生肉糧只選用人類食品級食材制作，更不含任何人工添加物或防腐劑。TailorMeat提供定量裝及度身定製方案，全部生肉糧均獨立真空包裝，而TailorMeat Tailor度身訂造方案更提供一站貼安心服務，由度身訂造每餐獨立包裝生肉糧、專人體重追蹤、健康及行為諮詢，以至門到門急凍送貨。家長只要安坐家中，便可為狗狗準備好每天所需，狗狗無論在各個成長階段，都能享受安全健康的美食，通過飲食健康成長，讓你安心享受更多與狗狗的幸福歡樂時光。