秋高氣爽，最啱帶埋主子去戶外活動，加上疫情封咗關冇得旅行，家長們都會帶主子一齊去露營當渡假。
咁同主子去露營有啲乜嘢要留意呢，以下係主子露營開門7件事。
1. 量力而為
首先要了解自己和主子嘅體力，如果人體力不足或是主子已經老邁，應選擇近郊或者、方便直接到達的營區。
2. 補足水份
露營時主子會因為有更大空間而放多咗電，所以加倍補充水份是必須的。
3. 尊重野生動物
郊野會有較多浪浪和放養狗，甚至野生動物出沒，例如野豬及牛等。大家要留意，牠們其實先係地主，千萬唔好驅趕刺激佢哋。
主子平日唔洗落繩行都要用翻繩喔，因為可以避免主子誤闖野生動物地盤。
如果真係見到野生動物，家長就不應走近以免誤當成入侵者而被攻擊。假如佢哋不走，就應該繞路避開。
4. 遠離草叢
草叢或是草比較長的地方，都係蛇、蜈蚣、蜘蛛等等嘅出沒地方，牠們通常會在草叢、石頭下、樹上埋伏，所以不要讓狗隻跑進草叢，保持行大路就可以。
假若主子不幸被蛇或不知名昆蟲咬到，家長應該盡快求醫。同時應將咬傷處放置心臟水平以下的地方，亦不要吸吮毒液或者放血，以及永不要為傷口敷冰。
如果情況許可，請拍下蛇或蟲蟲嘅照片，咁有助方醫生用更短時間提供適當嘅治療。
同時，記得為狗狗杜蟲同佩戴/滴防牛蜱用品！
5. 安心睡覺
主子應和家長同帳瞓覺，因為主子在陌生地方會特別驚覺，帳外有咩風吹草動都可能會吠叫，滋擾其他露營者。如果係巨狗不能同帳要用獨立寵物帳篷，可以帶狗狗在家中睡覺時的被褥，有助主子安心亦可更易適應，減少騷擾他人。
6. 漆黑中嘅螢火
入黑前，可以為主子佩戴發光頸圈及鈴鐺（尤其黑色嘅狗狗），郊野地區無街燈黑蚊蚊，咁就方便家長晚上睇到聽到主子去咗邊，同時都可以提醒附近人士有狗，因為真係有人怕狗吖嗎！
7. 有備無患
帶主子郊遊和露營，可以準備一些簡單的急救用品，如止血粉同粉紅藥水，因為自然環境有較多利石同荊棘，萬一人或主子收傷都可以處理到，當然如果情況嚴重，都係盡快睇醫生啦。
TailorMeat度身配製生肉糧，香港品牌，香港製造生肉糧，產品更通過國際檢測機構SGS食品安全檢測，生肉糧只選用人類食品級食材制作，更不含任何人工添加物或防腐劑，比市面的狗糧更安全可靠。
TailorMeat提供全港唯一度身配製生肉糧及專屬諮詢服務，Tailor度身配製方案的一站式貼心服務，由度身配製每餐獨立包裝生肉糧、專人體重追蹤、健康及行為諮詢，以至急凍新鮮直送到户。
家長只要安坐家中，便可為狗狗準備好每天所需，狗狗無論在各個成長階段，都能享受比市面買到的狗糧更可靠且安全健康的美食，通過飲食健康成長，讓你安心享受更多與狗狗的幸福歡樂時光。