話咁快又嚟中秋，以往嘅中秋節，好多奴才都會帶主子去露營，貪佢秋高氣爽，有山又有水，而且仲係免費嘅添 !
但自從Covid19之後，康文署轄下嘅露營場地已經關閉，所以咁chill嘅選擇已經成為泡影!
咩係Semi Pet Friendly
雖然宜家有好多商場同酒店都Pet Friendly, 不過大狗又唔得，又唔落得地，所以只係「Semi Pet Friendly」。同埋室內始終限制多多，唔通响室內點燈籠咩!
四大精選免費人寵共融賞月勝地
最靚夜景～西九文化區
維多利亞港嘅夜景，小編覺得係全世界最靚，呢度有270度無敵海景、海風、靚人、靚狗，加上有超級無敵廣闊嘅靚草地，邊有得輸。
最居高臨下～山頂廣場
最接近月亮嘅地方當然係山頂喇，山頂廣場細狗可以落地行，仲有最受歡迎嘅三樓觀景台比奴才同主子打卡呃like添!
最接近月亮～山頂公園
你以為山頂廣場就係山頂嘅終點，咁你就太年輕了!
其實經廣場旁邊嘅柯士甸山道上到頂，你會發現一個世外桃源，就係山頂公園啦。呢度有好多人嚟影婚紗相，唔洗講都知有幾靚。中秋節响最近月亮嘅地方邊放狗邊食月餅你咪話唔爽?!
最有特色～啟德跑道公園
又係大草地，野餐同海景？？有啲悶？啟德跑道公園就幫到你，呢度除咗有兩面臨海嘅草地，仲可以睇到啟德機場嘅歷史，仲有部真飛機比你去ig 或者Facebook打卡添 。#啟德跑道公園，就大把靚人靚相比你參考參考啦!
講明免費，所以都會有啲限制，例如要上繩，或者人多要霸位㗎!
提提各位， 開心之餘記得帶好口罩呀！
TailorMeat度身配製生肉糧，香港品牌，香港製造生肉糧，產品更通過國際檢測機構SGS食品安全檢測，生肉糧只選用人類食品級食材制作，更不含任何人工添加物或防腐劑，比市面的狗糧更安全可靠。
TailorMeat提供全港唯一度身配製生肉糧及專屬諮詢服務，Tailor度身配製方案的一站式貼心服務，由度身配製每餐獨立包裝生肉糧、專人體重追蹤、健康及行為諮詢，以至急凍新鮮直送到户。
家長只要安坐家中，便可為狗狗準備好每天所需，狗狗無論在各個成長階段，都能享受比市面買到的狗糧更可靠且安全健康的美食，通過飲食健康成長，讓你安心享受更多與狗狗的幸福歡樂時光。